Meiri upplýsingar á ensku
um Meru Háskólan er hér.

 

Tengill á bókina er hér.

 

Tengill á bókina er hér.
David Christopher Lewis, meðstofnandi Samfélags Hjarta Stöðvarinnar, Merú-háskólans og Paradise Permaculture Institute (Stofnun um sjálfbæra og lífræna ræktun), er hvatningarmaður, kennari, tónskáld og rithöfundur; nemandi hinna uppstignu meistara og hefur lagt stund á flest trúarbrögð heimsins í fimm áratugi. Ferill Davids hófst á því að hann fékk hugboð frá uppstignum meisturum árið 2004 sem fólu honum að stofna nýja andlega hreyfingu. 26. febrúar 2005 var Hjarta Stöðin stofnuð.

 

Hjarta Stöðin

 

Hjarta Stöðin eru óhagnaðardrifin góðgerðarsamtök. Samtökin tileinka sér að miðla opinberunarkenningum hinna uppstignu meistara um allan heim. Kenningar uppstignu meistaranna streyma til hjarta Davids og eru því gjarnan kenndar við HjartaStreymi. Þeim er ætlað að skapa ljómandi fagra og glaðværa sólarmenningu. Frá upphafi hefur Hjarta Stöðin vaxið í alþjóðlega hreyfingu með útsendingarstöðvar og/eða staðbundna hópa í Argentínu, Ástralíu, Kanada, Chíle, Kosta Ríka, Mexíkó, Suður-Afríku, Spáni og Svíþjóð, auk Bandaríkjanna.

 

Merú-háskólinn

 

Merú-háskólinn, menntastofnum samfélags okkar, hefur fram að færa úrval vefnámskeiða í gagnvirku umhverfi. Námskeiðin innihalda beinar upplýsingar frá hinum uppstignu meisturum og innblásnar orðræður Davids. Hjartans vinir samfélags okkar hafa líka haldið fjölmörg fræðslunámskeið.

 

 

Útgefin rit

 

Meru Press, útgáfuarmur Hjarta Stöðvarinnar, hefur gefið út átta megin ritverk eftir David.
 
  • Framhaldsnám um áru mannsinns eykur skilning okkar á mannsárunni á nýjan og spennandi hátt með kenningum meistarans El Morya.
  • Englar, englar, englar! Nútímalegur boðskapur frá himneskum vinum inniheldur boðskap fleiri en 40 engla, sem leiðbeina okkur og færa okkur von, náð, dyggðir og blessanir.
  • Kvan Jin um náð, fyrirgefningu og bódhisattva-leiðina þar sem Kvan Jin deilir visku sinni og kærleika sem hvetur okkur til dáða og til að feta bódhisattva-veginn og uppfylla guðlega köllun okkar á jörðinni.
  • Gimsteinar sem gleðja eftir Jesú eru hvetjandi, spennandi og skemmtilegar kenningar um gleðina.
  • Líf í sálarfyllingu eru nýstárlegar kenningar frá Afra um kærleika, bræðralag og frelsi. Fyrsta bindið er tileinkað sigri ljóssins í Afríku og íbúa hennar og ræktun kærleiksríkra samskipta á meðal allra kynþátta.
  • Kærleiksvegurinn heim eru daglegar hugleiðingar um að lifa í Nærverunni. Hún opnar á hverjum degi leið að helgidómi kærleikans, innri friði, gleði, sátt og sameiningu þinni við Nærveruna (æðri-vitundina).
  • Boðskapur Maríu guðsmóður um heilagleika, heilun og vonir nýja tímans er samantekt boðskapar Maríu guðsmóður. Þau hafa mikla þýðingu á þessum krefjandi tímum og ljúka upp gáttum fyrir umbreytingum í lífi okkar og heimi.
  • Saint Germain um alkemíu nútímans: HjartaStrymi á vatnsberaöldinni, 1. bindi, brýtur til mergjar dýpri leyndardóma sköpunar og alkemískrar gullgerðarlistar.
  • Saint Germain um alkemíu nútímans: HjartaStreymi á vatnsberaöldinni, 2. bindi, er framhald af fyrra bindinu þar sem Saint Germain deilir innsýn sinni um æðri gullgerðarlist (alkemíu nútímans) með nemendum ljóssins um allan heim.
  • Viskukennsla hinna sjö meistara eftir Maha Chohan (Stór-meistarann) flytur hressilega innsýn þessara viskumeistara austurs og vesturs í þeim tilgangi að leiða mannkynið til andlegra framfara.

 

Önnur útgefin rit Davids

 

  • Ljós á þroskabrautinni, andagift fyrir hvern dag ársins er hvetjandi boðskapur um leiðsögn, huggun og blessun.
  • Nú, zen, um alla eilífð, speki í vasabrotsstærð.
  • Bænir, tilskipanir og möntrur er bænabók samfélags okkar sem inniheldur meira en 170 trúarbænir og möntrur.

 

Önnur starfsemi

David tók þátt í að stofna Paradise Permaculture Institute og Alkemíubúðina. Verslunin er bæði á netinu og í miðbæ Livingston. Alkemíubúðin hefur á boðstólum margar vörur, Þar á meðal tólf tónlistardiska eftir David. Þar er líka að finna ýmsar bækur um andlegar iðkanir og heilsu ásamt kristölum, gimsteinum, orgónítum (lífsorkugjöfum) og úrval gjafavara – allt í því augnamiði að aðstoða fólk á þroskabrautinni.

Paradise Permaculture Institute beinist að því að vinna með náttúrunni til að stunda lífræna og sjálfbæra garðyrkju á helgum stöðum, jafnvel í auðninni á hálendi Montana-fylkis. Stofnunin heldur námskeið og veitir ráðgjöf í ýmsum námsgreinum bæði fyrir fullorðna og unglinga. Þau eru oft haldin á 5.82  km landareign Davids nálægt bækistöðvum Hjarta Stöðvarinnar.

 
David sendir út gjaldfrjálsar bænaþjónustur á netinu. Hann leiðir ársfjórðungslegar ráðstefnur og námskeið Hjarta Stöðvar okkar og hefur leitt pílagrímsferðir um allan heim í boði hinna uppstignu meistara síðan Samfélag Hjarta Stöðvarinnar var stofnað. Þar að auki hefur David haldið einstaklingsfundi um uppeldisfræði sálarinnar sem hefur orðið hundruðum hjartans vina að liði á hinni andlegu braut.
 
Sér til upplyftingar hugleiðir Dvid í dögun, syngur, semur tónlist, ræktar jörðina sína, spilar gólf og lætur sig dreyma um nýja sólarmenningu.
Þú getur hlustað á tónlist Davids á YouTube með því að smella hér.
Davíð býr nálægt Livingston ásamt eiginkonu sinni Mónu.